Wargeha penaberan a Mexmûrê 10 roj in di bin dorpêça PDK’ê de ye. Asayîşa PDK’ê 10 roj in nahêle şêniyên Mexmûrê biçin Hewlêrê. Nexweşên giran jî di nav de bi sedan karker û welatî her roj ji aliye hêzên PDK’ê ve tên vegerandin. Aqûbeta 2 ciwanên Mexmûrê jî nayê zanîn
Di 17’ê Tîrmehê de li restorantek Hewlêrê endamek MÎT’ê yê Tirkiyeyê û 2 kesên din hatin kuştin. Ji roja bûyerê ve PDK nahêle kes ji wargeha penaberan a Şehît Rustem (Mexmûr) derbasî Hewlêrê bibe. Ambargoya PDK’ê ya li ser wargeha penaberan a Mexmûrê 10 roj in didome.
Bi dehan nexweşên giran jî di nav de bi sedan karker û welatî rojane diçin Hewlêr. Lê PDK ev 10 roj e nahêle şêniyên wargehê derbasî HewlêrÊ bibe. Asayîşa PDK’ê bê ku hêcetek nişan bide, nexweş, karker û welatiyên danê sibê dixwazin biçin Hewlêrê vedigerînin.
Agahî ji 2 kesan nayê girtin
Rojek piştî bûyera Hewlêrê PDK’ê bi ser malên karkerên jin yên Mexmûrê de girtibûn. Bi dehan karker binçavkiribûn. Piraniya karkeran hatin berdan lê hîn jî aqûbeta 2 kesan nayê zanîn. Hêjayî gotinê ye piştî bûyerê rojekê balafirên artêşa tirk a dagirker carek din êrîşê xelkê Mexmûrê kir. Balafiran di nîva şevê de derdora wargehê bombe kirin. Di encama êrîşa balafirên artêşa Tirk a dagirker de 2 kesên sivîl birîndar bûn. Bi rojaen e balafirên şer û keşfê li ser wargeha penaberan a Şehîd Rûstem Cudî digerin. MEXMÛR
