Zîndanê Amedî ra 10 xoverdayoxê grevê vêşanîye û rojeyê mergî nêweşxane rê ameyî wedarnayene
Zîndanê Tîpa Dyî yê Amedî ra 10 xoverdayoxê grevê vêşanîye û rojeyê mergî Nêweşxaneyê Perwerde û Cigêrayîşî yê Gazî Yaşargîlî yê Amedî rê ameyî wedarnayene.
Tepişteyanê PKK û PAJKî bi vengdayîşê Rayberê Şarê Kurdî Abdullah Ocalanî çalakîya xo yê grevê vêşanîye û rojeyê mergî qedînaye. Zîndanê Tîpa Dyî yê Amedî ra 10 xoverdayoxê grevê vêşanîye û rojeyê mergî Nêweşxaneyê Perwerde û Cigêrayîşî yê Gazî Yaşargîlî rê ameyî wedarnayene. Tepişteyî dekewtişê nêweşxaneyî de bi tîlîllî, çepik û sloganan ameyî peşwezîkerdene. Tepişteyan slogana, ‘Bîjî Serok Apo’ eşte merdimanê înan û şarê Amedî zî bi slogana, ‘Amed bi şima sere berz o’ xoverdayîşê înan silam kerd.
Tepişteyî herinda ambûlansan bi wesayîtanê polîsan ameyî berdene bi nêweşxane. Ame vatene ke do xoverdayoxî bi grûbanê cîya-cîya bêrê berdene bi nêweşxane. Merdimê tepişteyan û xeylî parlamenterê HDPyî yê Amedî verê nêweşxaneyî de pawenê.
Xoverdayoxê ke rojeyê mergî de bî û nêweşxane rê ameyî wedarnayene wina yê: Ferhat Tûrgay, Abûlhalîk Kaplan, Reşat Ozdîl, Ergîn Akhan û Ahmet Topkaya. AMED
