10ine Festîvala Filmanê Kurdî ke do Hambûrg de bêra viraştene 30ê teşrîna verêne de dest pêkena
10ine Festîvala Filmanê Kurdî ke do Hambûrg de bêra viraştene 30ê teşrîna verêne de dest pêkena û filman pêşkeşê filmhesan kena. Festîvale do bi konserêk muzîkî destpê bikera û akerdişê festîvale bi filmê “Sister’s in Arms” yo ke yonetmenê ci kesêk fransî Carolîne Foûrestî yo û îlhamê xo têkoşînê cinîyanê kurdan yê ke vera DAIŞî de şer kenî, girewto bêra akerdene.
Festîvale do heta 6ê teşrîna peyêne dewam bikera û filmê derg û kilmî, belgefilm û filmê domanan zî tede do pêropîya 37 filmî bêrî nîşandayene. Her çar parçeyê Kurdistanî û dîasporayê filmî do festîvale de ca bigêrî û salonê Zeise Kino, Studio Kino û 3001 Kino de bêrî nîşandayene.
Festîvale de kişta filman de do bi tewrbîyayîşê kaybaz û yonetmenanê muhîman yê kurdî 4 panel zî bêrî viraştene. Do panel û programê domanan bê pere bibî.
Progranê festîvale no adres ser de yo “www.hkff.de” STENBOL
