Li Girtîgeha Jimar 1 a Tîpa F ya Kiriklarê 13 girtiyên ku di greva birçîbûnê de bûn û dawî li çalakiya xwe anîn, rakirin nexweşxaneyê
Li ser peyama Rêberê Gelê Kurd Abdullah Ocalan, girtiyên li zindanên bakurê Kurdistanê û Tirkiyeyê dawî li çalakiyên xwe yên greva birçîbûnê ya bêdem û bêdorveger û rojiya mirinê anîn. Girtî niha jî ji bo dermankirinê sewqî nexweşxaneyan tên kirin.
Li gorî agahiyên ji parêzeran, girtiyên bi navên Samî Ozturk, Abdullah Oral, Erdal Polat ên ji 26’ê kanûnê ve û Fettûllah Demîrtaş, Hebat Demîr, Selman Yakût, Îshak Dayan, Ferdî Karabey, Abdulkadîr Akdogan, Sercan Gumuş, Ramazan Kizildag, Têkoşer Talha Turgut û Aydin Akyuz ên ji 1’ê adarê ve li Girtîgeha Jimar 1 a Tîpa F ya Kiriklarê di greva birçîbûnê de bûn, rakirin nexweşxaneyê. ÎZMÎR
