Dayikên Şemiyê bi daxwaza aqûbeta windayên wan zelal bibe û kujer bên darizandin û cezakirin, xwestin di hefteya 951’yemîn de li Qada Galatasarayê çalakiya xwe li dar bixin. 10 hefte ye polîs tevî biryara Dadgeha Destûra Bingehîn ku ji bo Dayikên Şemiyê daye jî lê çalakiyê asteng dikin. Hesveroka Giştî ya HDP’ê Pervîn Bûldan, parlamenterên Partiya Çepên Kesk jî piştevaniyê dan çalakiyê.
Dayikên Şemiyê û parêzvanên mafên mirovan ku heta Qada Galatasarayê meşiyan, ji aliyê polîsan ve hatin dorpêçkirin. Polîsan êriş bir ser çalakvanan û Hevseroka Giştî ya ÎHD’ê Eren Keskîn, Seroka ÎHD’a Stenbolê Gulseren Yolerî jî di nav de 17 kes kirin binçavan.
Polîsan destûr neda ku parlamenter û Dayikên Şemiyê li gel hev daxuyaniyê bidin. Hevseroka Giştî ya HDP’ê Pervîn Bûldan û parlamenteran tenê daxuyanî xwendin. Di vê kêliyê de jî Dayikên Şemiyê û parêzvanên mirovan di dorpêça polîsan de bûn.
Dayikên Şemiyê li ser hesabê xwe yê Twitterê navên kesên hatine binçavkirin ragihand: Hanîfe Yildiz, Îkbal Eren Yarici, Masîde Ocak, Hanim Tosûn, Mîkaîl Kirbayir, Alî Ocak, Eren Keskîn, Gulseren Yolerî, Leman Yûrtsever, Cîhan Kaplan, Hatîce Onaran, Firat Akdenîz, Nazim Dîkbaş, Îsmaîl Yucel, Hunkar Hudaî Yûrtsever, Arda Yuksel, Meryem Bars.
