Polîsan hêrişê çalakîya nobete ya ke bi amacê wayîrvejîyayîşê grevanê vêşanîye û rojeyê mergî ke Esenyûrt de yena viraştene kerd û 16 kesî tepişt. 16 kesê ke ameyî tepiştene erşawîyayî Mudurîya Polîsan ya Kiraçî û dima ra serbest ameyî veradayene
Çalakîya roniştişî ya mayan û keyeyanê tepişteyan a seba şikitişê tecrîdê giranî yê serê Rayberê Şarê Kurdî Abdullah Ocalanî û paştdayîşê grevanê vêşanîye û rojeyê mergî ya Meydanê Esenyûrtî yê Stenbolî bêmabên dewam kena.
Polîsan wextêkê kilmî de bi wesayîtanê TOMA û zirxinan dorê mayanê ke meydan de dest bi çalakîya roniştişî kerdî, girewtî. Polîsan nasnameyê mayan sîstemê Arêdayîşê Hayîdarîyanê Pêroyîyan (GBT) ra ravêrnayî. Wextê kontrole GBTyî de polîsan bê ke hîşyarîyêk bikerê hêrişê mayan kerd, 16 kesî ameyî tepiştene.
Kesê ke ameyî tepiştene serbest ameyî veradayene. STENBOL
