22 baroyî seba bale antişê şîdetê serê avûkatan û heqê pawitişî eşkerayîyêka hempare dayî û wina vatî: “Şima nêeşkenê avûkatan teslîm bigîrî, înan pawitişî ra dûrî bikerî û bêveng vera bidî.”
22 baroyî seba bale antişê şîdetê serê avûkatan û heqê pawitişî eşkerayîyêka hempare dayî. Bi îmzeya Serekanê Baroyê Wan, Edene, Enqere, Antalya, Artvin, Aydin, Êlih, Çewlîg, Bêdlis, Bursa, Amed, Dîlok, Colemêrg, Hatay, Îzmîr, Mêrdîn, Mêrsîn, Mûş, Sêrt, Dersîm, Riha û Yalova eşkerayîyêka hempare ya ‘Dest medêne pawitişî’ ame parekerdene.
Baroyî dayî zanayen ke tu kesêk nêeşkeno avûkatan teslîm bigîro û nêeşkeno înan heqê înan yê pawitişî ra tepîya vera bido. WAN
