26 rêxistinên civakî û demokratîk ku di navde Kongreya Demokratîk a Gelan (HDK) jî heye, bang li hikûmetê kirin ku Peymana Stenbolê pêk bînin û têxin meriyetê. 26 rêxistinan bi sernavê ‘Peymana Stenbolê dide jiyandin’ bang kirin û wiha gotin: “Ne li rêya derketina ji Peymana Stenbolê bigerin, li rêyên pêkanina Peymana Stenbolê bigerin. Ger Peymana Stenbolê di meriyetê de bûya dê ji çileya 2020’an heta niha 163 jin û di tîrmeha 2020’an de jî 32 jin nehatina qetilkirin. Ji ber vê yekê li şûna hûn ji Peymana Stenbolê derkevin, peymanê pêk bînin. Li rêya pêkanîna peymanê bigerin.”
Înîsiyatîfa Welatiyên Bodrum 2017, Hewldana 78’an, Komeleya Ocaxa Fikrên Elewî, Hewldana 78’an a Enqereyê, Hewldana Azadiya Ramanê ya Enqereyê, Daktilo 1984, Ji bo Demokrasiyê Yekitî (DİB), Komeleyên Elewiyên Demokratîk, Komeleya Oldaran (DİAYDER), Koma Diyalogê, Meclisa Jinan a Platforma Komeleyên Rojhilat û Başurê Rojhilat (DGD), Platforma Komeleyên Rojhilat û Başûrê Rojhilat (DGD), Hewldana li Dijî Sûcên Fikrê, Komeleya Şopandina Ji bo Mafên Wekhev, Tevgera Ewlehiyê, Platforma Heq û Edaletê, Kongreya Demokratîk a Gelan (HDK), Sendîkaya Lîstikvanan, Komeleya Lêkolînên Azadiyê Komeleya Nivîskarên PEN’ê, Komeleya Çanda Pir Sultan Abdal, SODEV, Sendîkaya Nivîskarên Tirkiyeyê (TYS), Komeleya Hindekarên Zanîngehan (ÜNİVDER), Hewldana Welatiyan û Komeleya Welatiyan. STENBOL
