Komên çete yên ku ji destê şervanên HSD’ê derbên giran dixwin, xwe radestî şervanan dikin. Hat zanîn ku li Serêkaniyê 3 çeteyan xwe radestî şervanan kir
Berxwedana şervanên Hêzên Sûriyeya Demokratîk (HSD) û gelê rojavayê Kurdistanê ya li hemberî hêzên artêşa tirk a dagirker û komên çete yên girêdayî wê bênavber didome. Hêzên dagirker tevî çekên herî giran, teknîka pêşketî û hêzeke mezin a leşkeran jî nikare bikeve rojavayê Kurdistanê û derbên giran dixwe.
Dagirkerên ku ji destê şervanan derbên giran dixwin, ji bo ku xwe biparêzin teslîm dibin. Li gorî agahiyên ji herêmê, çeteyekê dewleta tirk li mezreya Micî ya rojhilatê Serêkaniyê xwe radestî şervanên HSD’ê kir. Di heman demê de 2 çeteyên din jî li ser rêya di navbera Serêkaniyê û Hesekê de xwe radestî şervanên HSD’ê kirin.
Hat zanîn ku her sê çete jî niha di destê şervanan de ne. SERÊKANIYÊ
