Rejima Îranê 30 sal ceza li parêzerê Zeynep Celaliyan, Emîr Salar Dawodî birî
Dadgeha Komara Îslamî ya Îranê 30 sal ceza da Parêzer Emîr Salar Dawodî. Duh darizandina Dawodî berdewam kir ku Dawodî ji payiza par ve li zindana Evînê dihate girtin. Dawodî ji ber ku qenela Telgeramê vekiribû sûcdar hate dîtin, 30 sal ceza lê hate birîn.
Dawodî ku Zeynep Celaliyan jî di nav de, parêzertiya gelek aktivîsan û muxalîfan dikir, ji payiza par ve li Tehranê hatibû girtin. Hevjîna Dawodî Tenaz Kolahçiyan got hevserê wî tiştekî ku vî cezayî heq bike nekiribû û ji bo ku ev ceza betal bibe, wê serî li saziyên darazê yên îranê û qadên navnetewî bide.
Rêxistina Navnetewî ya Efûyê daxuyanî da û diyar kir ku li bara cezayê ew behitî ne. Di daxuyaniyê de hat gotin ev ceza nayê qebûlkirin, bang li saziyên Îranê kir ku Dawodî demildest wer berdan. TEHRAN
