10’emîn Festîvala Hinar û Payîzê ya Helebceyê bi coş û eleqeyeke mezin 3 rojan dewam kir. Di festîvalê de 600 esnaf, xwediyên baxçe û jin bi berhemên xwe tevlî festîvlê bûn. Rêveberiya Geştûguzar a Helebceyê di daxuyaniyek de aşkere kir ku di sê rojên Festîvala Hinar û Payîzê ya Helebce de 300 hezar geştiyarên navxwe û derve serdana festîvalê kirine.
Her wiha aşkere kir di nava sê rojan de bi behayê 1 milyar 435 milyon dînar kirîn firotina berheman çêbûye. Di daxuyaniyê de hat diyarkirin ku hemû rêveberî û saziyên parêzgeha Helebceyê ji bo serkeftina festîvalê kedek mezin dan û di dema festîvalê de ti bûyerek nexweş rû nedaye.
