Kurdistanî û dostên wan ên li Parîsa Faransayê dijîn di 3’yemîn Çanda Kurd de hatin cem hev. Hefteya Çanda Kurd bi pêşengiya Civaka Demokratîk a Kurd li Fransayê (CDK-F) û Komeleya Çand û Hunerê ya Kurdistanê di 25’ê gulanê de dest pê kir û bi konsereke bi heybet bi dawî bû.
Konsera fînalê li Salona Cirque d’Hiver a li Parîsê pêk hat û bi dorê Deza Amed, hunermenda ji Başûrê Kurdistanê Chopy û Koma Amed ku piştî 27 salan konsera xwe da, derketin ser dikê.
Konser bi deqeyeke rêzgirtinê ji bo bîranîna şehîdên şoreşa Kurdistanê dest pê kir.
Konsera fînalê bi coş derbas bû.
Mîhrîcana ku li dijî qirkirina çandî û asîmîlasyonê hate lidarxistin, li herêma île-de-France ya Parîsê û gelek bajarên cuda pêk hat. Di nava hefteyekê de ji çanda Kurd gelek mînak hatin nîşandan.
