Hewldana 78’an a Stenbolê, Sendîkaya Nivîskarên Tirkiyeyê û Xebatên Hunera Dij bi wesîleya salvegera 12’yê Îlonê xwestin li Hevrazê Meydana Taksîmê daxuyanî bidin çapemeniyê. Lê polîsan bi hinceta pandemiyê daxuyanî qedexe kir. Rêveberên HDP’ê û mafnas beşdarî çalakiyê bûn. Berdevkê Hewldana 78’an Celaletîn Can diyar kir ku maf û azadiya wan bingehîn tê astenkirin û tu ferqa astengiya îro û darbeya 12’yê Îlonê ji hev nîne.
Parlamentera HDP’ê ya Edeneyê Tulay Hatîmogûllari jî astengiya li pêş çalakiya wan şermezar kir û wiha got: “Sepana ku îro em li vir pê re rû bi rû mane tam jî wek 40 sal berê rejîma darbeya 12’yê Îlonê wek hev e. Tiştek hatiye guhertin nîne.” STENBOL
