Merkezê Xeberan]
Televîzyonê fermî yê Çînî da zanayene ke mabêne 24 saetê peynî de 64 hemwelatijê Çînî bi vîrusê korona ra wefat kerdê. Mabêne 24 saetan de 2 hezar û 345 kes zî ci ra tesîr bîyê. Heta nika vîrusê korona ke Çîn de vila bîyo vera 425 kesan wefat kerd û heta nika 20 hezar û 438 kes zî ci ra tesîr bîyê. Rêxistina Weşîye ya Dinya (WHO) wareyê mîyanneteweyî rewşa lezabeze neql kerdbî.
Pêroyî yê dinya de xeylêk welatan beranê xo çînîjan rê padayî. DYE, Awûstralya, Zelanda Newe, Iraq û Îsraîlî berê xo merdimê çînijan rê padayî. Mogolistan, Rûsya, Nepalî zî sînorê xo yê bi Çînî dir padayî. Papûa Newe Gîne zî roja çarşeme ra berê xo Çînî ser o padayê. Fîlîpîn de zî seba kesêko wefat kerd, bêrê xo pêro rayîrwanê Çînî rê pada. Brîtanya, Rûsya û Swêd zî neql kerdbî ke peynîya hewteyî de hîn kesî bi vîrus kewtê. Îtalya û Cezayîrî seba welatîyê xo yê Çînî bivînê xebityenê.
