5 rojnamegerî 20ê tebaxe de bajarê Mêrdînî de wexto ke çalakîya şermizarkerdişanê qayûman taqîp kerdêne ameybî tepiştene û 6 rojî yo ke Mudirîya Polîsan ya Mêrdînî de yenî tepiştene
Muxabîrê Ajansê Mezopotamya (MA) Ahmet kanbal û Mehmet Şah Oruç û muxabîra Jinnewsî Rojda Aydin û rojnameger Halîme Parlak û Nurcan Yalçine 20ê tebaxe de bajarê Mêrdînî de wexto ke çalakîya şermizarkerdişanê qayûman taqîp kerdêne bi derbkerdiş ameybî tepiştene. 20ê tebaxe ra nata 5 rojnamegerî Mudirîya Polîsan ya Mêrdînî de yenî tepiştene. Wextê tepiştişî yê 5 rojnamegeran 4 rojan ameybî dergkerdene. MÊRDÎN
