Rêberê Gelan Abddullah Ocalan di 15’ê Sibata 1999’an de bi komployeke navdewletî radestî Tirkiyey» hate kirin. Rêber Apo 25 sal in di bin tecrîda mutleq de ye û ev 3 sal in tu agahî jê natê girtin. Dostên gelê kurd di 10’ê cotmehê de pêngava “Ji Abdullah Ocalan re azadî ji pirsgirêka kurd re çareseriya siyasî” dan destpêkirin. Berxwedêrên li zindanên bakurê Kurdistanê û Tirkiyeyê di roja damezrandina PKK’ê 27’ê Mijdarê de dest bi greva birçîbûnê kirin. Berxwedana li zindanan bi roja 56’an de bênavber didome. Berxwedêrên zindanan ragihandin ku heta ku ew azadiya fîzîkî ya Rêber Apo misoger bikin wê çalakiya xwe bi biryardariyeke bêhempa bidomînin.
Li derve jî malbatên berxwedêra bi dirûşma “Ji bo edaletê em tecrîdê bişkînin ji bo aştiyê em bibin dengê zindanan” li Wan, Amed, Mêrdîn, Mêrsîn, Edene, Stenbol û Îzmîrê bi heman armancê Nobedên Edaletê hatin destpêkirin.
