Wendekara Perwerdeyê Domanan ê Unîversîteya Munzurî Gulîstan Dokuya ke 5ê çeleyî ra nata vindîbîyaye ra tu xeberêke nêna girewtene. No 2 aşmî yo ke mewkîyê Pirê Sari Saltuk Viyadugu yê serê Gola Awbendê Uzunçayirî de xebatê cigêrayîşê dewam kenî. Labelê heta nika tu îzêk Dokuye ra nêameyo înayene. Keyeyê Dokuye derhqê xebatan de ge-ge mudirîya polîsan, walî û dozgerî reyde pêvînayîşan keno, labelê ê zî tu çîyêk nêvanî û keye rê tena vanî xebatê vînayîşî dewam kenî.
Wendekarê Unîversîteya Munzurî, dezgeyê komelkî yê sivîl yê Tirkîya û dezgeyê cinîyan timî cigêrayîşanê xo yê seba vînayîşê Gulistan Dokuye domnenî. Keyeyê Dokuye hema zî bajar de maneno û paweyê xebera kênaya xo yo. DÊRSIM
