Derbarê mirinên di dema qedexeya derketina derve ya li Cizîrê de, doza tazmînata madî û manewî li Wezareta Karên Hundir hatibû kirin. Ji serlêdanên hatin kirin 59 jê ji wan hatin redkirin
Li navçeya Cizîrê ya Şirnexê, di navbera 14’ê Kanûna 2015’an û 2’yê Adara 2016’an de qedexeya derketina derve hatibû ragihandin. Di dema vê qedexeyê de gelek kesî jiyana xwe ji dest dabû. Lêpirsînên hatin destpêkirin jî piranî jê bi ‘bêşopandinê’ bi dawî bûn. Derbarê kesên jiyana xwe ji dest dabûn li Dadgeha Îdarî ya Mêrdînê doz hatibû vekirin ku Wezareta Karên Hundir tazmînata madî û manewî bide, lê belê serlêdanên hatin kirin, hatin redkirin.
Komeleya Hiqûqnasên ji bo Azadiyê (OHD), li ser navê 81 kesên jiyana xwe ji dest dane û wekaleta wan di dest wan de ye, ji bo tazmînata madî û amnewî serî li Dadgeha Îdarî ya Mêrdînê dabû. Piştî serlêdanan doz hatibû vekirin. Hin doz bêyî danişînên wan çê bibin pêk hatin. Heta niha dadgehê ji van serlêdanan 59 jê red kirine û 22’yên mayî jî hîn bi dawî nebûne.
Dadgehê di biryarê de ji bo kesên jiyana xwe ji dest dane got ‘endamên rêxistinê ne’ û loma di warê xizmetê de tu qisûreke îdareyê çê nebûye. ŞIRNEX
