7. Festîvala Tîyatroyî ya Amedî emser 26ê Nîsane de dest pêkerde. Festîvale bi tewrbîyayîşê Hemserekê Pêroyî yê HDPyî Pervîn Bûldan û Sezaî Temellî bi kayê “Tenê Ez” destpê kerde
7. Festîvala Tîyatroyî ya Amedî bi siloganê “Heqîqet Azad Keno” ameye hadrekerdene û dîyarîya Mehmet Emîn Yalçinkayayî ke serra verên cuya xo vindî kerdî, ameye kerdene. Festîvale bi kayê gruba Teatra Jîyana Nû yê “Tenê Ez” (Teyna ez) Salona Tîyatro ya Bajarê Amedî de dest pêkerde. Hemserekê Pêroyî yê HDPyî Pervîn Bûldan û Sezaî Temellî, Parlementerê HDPyî yê Dersimî Alîcan Onlu, Hemşaredarê Bajarê Girdî yê Amedî Selçûk Mizrakli û Hulya Alokmên Uyanike, temsîlkarê sazîyê komelo sîvîl û xeylê kesî tewrê festîvale bîyî. Komîteya Amedekar ya Festîvale Ozcan Ateş û Berfîn Emektare kayê tîyarto ra ver bi kurdî û tirkî qiseykerdişêk kerdî.
Qiseykerdişê Ozcan Ateş û Berfîn Emektare ra dima Hemşaredarê Bajarê Girdî yê Amedî Selçûk Mizrakli û Hulya Alokmên Uyanike vejîyayî sahne û ê zî qiseykerdişêko kilm kerdî. Alokmene Tîyatroya Bajêr yê Amedî şibêna fanosêka prosesê tarîyan û va : “Huner dejan weş keno.”
Mizrakliyî zî dîyar kerd ke hîkaye nêqedîyenî û va: “Her çî rijîyeno, her çî çin beno, labelê hîkaye her tim manenî. Na hîkaye ewro tîya de dewam kena.”
Qiseykerdişan ra dima kayê gruba Teatra Jîyana Nû yê “Tenê Ez” (Teyna ez) ame kaykerdene û Hemserêkê Pêroyî yê HDPyî Pervîn Bûldan û Sezaî Temellîyî plaket dayî kaybazan.
Programê Festîvale
Tîya ra pê do heme kayê festîvale Salona Tîyatro ya Amedî ya Merkezê Kongre û Kulturî ya Şaredarîya Bajarê Girdî yê Amedî de bêrî kaykerdene.
*27ê Nîsane Şeme
19.00: Ji Min Evqas
*28ê Nîsane Yewşeme
15.00: Tenê ez
19.00: Mal be kol
*29ê Nîsane Dişeme
19.00: Zargotin zêrgotin e
*30ê Nîsane Sêşeme
19.00: Kozik
*1 Gulane Çarşeme
19.00: Zabel
*2ê Gulane Pencşeme
15.00: Zabel
19.00: Altust
20.00: Lal Hayat
*3ê Gulane Îne
17.00: Ozgur palyaço guçleri
19.00: Teyba dawî a krapp
*4ê Gulane Şeme
15.00: Ji akademiyê re raporek
*5ê Gulan Yekşem
19.00: Tartuffe
AMED
