Çarçewa cipêrsayîşo ke hetê Serdozgerîya Komare ya Adana ra dîya destpêkerdene de Adana, Şirnex û Dêrsim de polîsan bi hewayêkê hemwextî eşt xeylêk keyeyan ser. Sereştişan de îdarekarê HDP û DBPyî zî tede 20 kesî ameyî destpbendkerdene. Kesê ke bi îdîaya ”endamîya rêxistine” ameyî destbendkerdene ameyî berdene Mudirîya Asayîşî ya Adana. Nameyê tay kesanê ke ameyî destbendkerdene wina yê: Îdarekarê HDPyî yê Adana Mehmet Yaşik, Îdarekarê TUAYDERî yê Çukurova Mehmet Tutuş, Cigerhum Guven, Şinda Erol, Bêrîtane Ozbey, Hasan Kocaman, Halîl Kocaman.
Çarçewa cipersayîşê Serdozgerîya Komare ya Amedî de zî derheqê 34 kesan de bira destbendkerdişî ameye girewtene. Polîsan serê sibayî Qulp, Farqîn, Stenbol, Êlih û Antalya de çarçewa cipersayîşî de eşt keyeyan ser û 29 kesî destbend kerdî.
Nînan ra nameyê tay kesan wina yê: Hemşaredar verên ê HDPyî yê Êlihî Sabrî ozdemîr, Hemsereno verên ê HDPyî yê Amedî Cabbar Leygara, Wekîlo verên ê hemserekanê HDPyî yê Amedî Îrfan Soner, îdarekarê HDPyî yê Amedî Arîf Bulut, Newroz Reşîtoglu û Ramazan Kiziltepe, Hemsereko verên ê Rezanî mehmet Atlihan, Endamê Meclîsê Şaredarîya Yenîşehîrî Mehmet Alaattîn Zugurlî û Yusuf Sokmen, Şahîn Tanriverdî û Kadrî Atliyo 81 serre. ADANA
