Serokên 81 baroyan nerazîbûn nîşanî gefa kuştinê ya li hemberî Serokê Baroya Amedê Nahît Eren dan û gotin; “Em naxwazin êşeke din a mîna Tahîr Elçî bibînin.”
Wêneyên Serokê Baroya Amedê Nahît Eren, zarok û hevsera wî li ser medya dîjîtal hatin weşandin û gefa kuştinê lê hate xwarin. Têkildarî bûyerê ku beriya niha qewimî û doh dubare bû, Baroya Amedê li Serdozgeriya Komarê ya Amedê gilî kir. Piştî ku bûyer hate bihîstin serokên 81 baroyan daxuyaniyeke hevpar weşandin û gotin, “Em naxwazin êşeke din a mîna Tahîr Elçî bibînin.”
Di daxuyaniyê de hate gotin, “Dema dawî li ser medya dîjîtal gefa kuştinê li Serokê me yê Baroya Amedê parêzer Nahît Eren hate xwarin, ku ev yek nayê qebûlkirin! Em bûyereke nû ya Alî Gunday, êşeke mîna ya Tahîr Elçî naxwazin ku dubare bibe. (…) Eger nayê xwestin ku êşên nû, trajediyên nû rû bidin, divê pêwendîdar tavilê wezîfeya xwe bi cih bînin.”
