9 ciwanê bînî bi eşkerayîyêke tewrê gerîlayan bîyî û înan venga pêro kesan da ke dinyayêka ercîyaye biafernê.
Ciwanan eşkerayîya xo de wina vat:
”Rayber Apoyî têkoşînê xo yê 50 serran de vera sîstemê modernîteya kapîtalîste û mezgê ci yê gemarinî rayîrê awankerdişê cuya azade, têdûşte û exlaqîye mojna. Gerîlayê azadîye ewro bi fedayî û têkoşînê ruhê Apogîrî mîyanê têkoşînê şorişgêrî de aver şinê.
Gerîlayî serrgêra 45. ya ronîyayîşê PKKyî bi derbanê giranan ê vera faşîzmê dewleta tirke fîraz kenê. Bi nê ruh û tewirî ma zî kewtê serra 46. ya PKKyî. Ma sey ciwanan tewrê na partîya globale benê.
Ma do qesasê 6 ciwananê ke 2 serrî verî Kobanê de hêrişê dewleta tirke ya faşîste de şehîd bîyê bigêrê. Ma do xeyalanê înan zî bîyarê ca. Ma do xo felsefeya Rayber Apoyî de xorinêr bikerê û fikranê ey vila bikerê.
Ma venga pêro ciwanan danê ke wa tewrê gerîlayan bibê. Bêrê ma cuyêka raştikêne de biciwîyê û dinyayêka ercîyaye awan bikerê.”
