Çarçewa tehqîqatêkê Serdozgerîya Komare ya Anqara de 25ê teşrîna verêne de Mudira Karanê Nuşteyî yê Ajansê Mezopotamya (MA) Dîren Yurtsever, muxabîrê MA Denîz Nazlim, Selman Guzelyuz, Zemo Aggoz, Berîvan Altan, Hakan Yalçin, Emrullah Acar, Ceylan Şahînlî, muxabîrê Jinnewsî Habîbe Eren û Oznur Gunhan û stajyerê MA Mehmet Gunhan bi îşkenceyî ameybî destbendkerdene. Zemo Aggoz îfade ra dima vera dîyabi.
10 rojnamegerî 4 rojan ra dima seba îfadeyê sewqê Edlîyeya Anqara bîyî. Xeber û karê înan ê rojnamegerîye, vilakerdişê înan ê medyaya dîjîtale sey unsurê sûcdarîye pêşkêşê rojnamegeran ameyî kerdene.
Îfadeyan ra dima vizêr şan Dîren Yurtsever, Bêrîvan Altan, Denîz Nazlim, Selman Guzelyuz, Hakan Yalçin, Ceylan Şahînlî, Emrullah Acar, Habîbe Eren û Oznur Deger bi îdîaya ‘endamîya rêxistine’ ameyî tepiştene. Stajyer Mehmet Gunhan bi şertê kontrolê edlîyî vera dîya.
Keye û rojnamegeran verê edlîye de bi sloganê ‘Çapemenîya azade nêna bêvengkerdene’ û çepikan bira tepişîyayîşê rojnamegeran şermezar kerde.
