Serokwezîrê Îtalyayê Gîûseppe Conte vê serê sibehê îstîfaya xwe û hikûmetê pêşkêşî serokkomar Sergîo Mattarella kir.
Di daxuyaniya îstîfayê de wiha hat gotin: “Serokkomar ji bo biryarê bide wê demekê veqetîne, hikûmet jî ji bo karên rojane bimeşîne wê li ser wezîfeyê bimîne.”
Hikûmeta Conte salek û çar meh in li ser wezîfeyê bû. Rojên dawî îstifaya hikûmetê dihate nîqaşkirin.
Tê gotin ku îstîfa -yekane rêya li ber Conte bû. Piştî dengdana pêbaweriyê ya 19’ê çileyê hikûmet tengav bûbû.
Conte ku li bendê ye serokkomar wî ji nû ve wezîfedar bike, ji sala 2018’an ve dixwaze koalîsyona sêyemîn ava bike. Tê gotin ku îstifa jî ji bo avakirina koalîsyona nû ye. ROMA
