Çendêk verê cû Raşteyê Lokman, taxa Baglarbaşiyî yê Yalova de keyeyê 5 elewîyan ameybî nîşankerdene û serê beran de ‘elewî’ nusîyabî. Weqfê Kulturê Anadolu yê Haci Bektaşî Velîyî yê Yalova bi eşkerayîyêka çapemenî Parka Cumhurîyetî de nîşankerdişê keyeyanê elewîyan şermizar kerd. Eşkerayî hetê Serekê Weqfê Kulturê Anadolu yê Haci Bektaşî Velîyî yê Yalova Fîkret Demîrî ra ame wendene û nê hêrişî newe nîyê û mîyanê 30 serran de kerdeneyê 27 bajar û qezayan merdiman tersnenê.
‘Ma canan nêveşnenê’
Demîr eşkerayî de cewab da kesê ke wazenê provakasyonan bivejnî û wina va: “Merdim Anadolu de aşitî wazeno. Ma de kîn û şîddet çinî yê. Ma canan nêveşnenê û ma bê ke biewnê ol, bawerî, mezhep û kokimê merdiman vera kesanê ke canan veşnenê de vindenê. Ganî kerdoxê no hedîseyan bêrî cakerdene û cezakerdene. Ez umud kena ke çalakîyê tarî yê welatê ma lez biqedîyê.” YALOVA
