Îran û Rojhelatê Kurdîstanî de cinîyî maruzê şîdetî manenê, her roje kişîyenê û pê bêvengî yenê definkerdene. Kes ne name ne zî qîrayîşê nê cinîyan eşnaweno.
Êyê ke gan danê erdî hetê babî, laj, bira û mêrdeyan ra kişîyenê. Sey E.R.a ke serra 2019 de Mako de ameye definkerdene. Î.D. Makoyî ra pare kerd ke cinîya bi nameyê E.R. hetê babîyê xo ra kişîyaye û verî kes çew pê nêhesîyo ameye definkerdene.
î.D. vat: ”Îdîayanê vistewreyê ci ser o mêrdeyê aye E.R. erşaweno keyeyê babîyê ci. Babî zî verî ke rewşe goşdarî bikero wazeno aye bifetisno. Dadîya E.R. venga cîranan dana û cîranî aye benê nêweşxane. Dima ke E.R. nêweşxane ra agêrena keye babîyê ci aye kişeno. Dima waya E.R. seba zewajî dîyena mêrdeyê E.R. Dewlete di hewteyan babî tepişena û pê vatişê ‘destweşî’ ey verdena ra. Çapemenîye zî pê kişîyayîşê E.R. nêhesîyaye.”
Goreyê Ş.V.ya ke Mêrîwanî ra ya 2 serrî verî 2 dadkênayan Mêrîwan de xo kişt. Goreyê vatişan wird cinîyan semedê tedaya keyeyî ra xo kişt. No zî nêeşnawîyayo.
Nê serebûtê gemarinî Rojhelatê Kurdîstanî de her roje qewimîyenî û verî ke kes nêeşnawo yenê mîyankerdene.
Semedo ke Îran de şerîat esto nê serebûtî nênê cezakerdene. Coka her roje şîdetê camêrdan zêdîyeno.
