Lijneya Rêveberiya Navendî ya HDP’ê têkilî qirkirina siyasî daxuyaniyeke niviskî da.
HDP di daxuyaniyê de diyar kir ku li hemû qadan faşizm êrîşê wan dike û peyama ‘em ê bibin yek û têbikoşin’ da.
HDP’ê êrîşên polîsên tirk ên li ser çalakiya li ber avahiya HDP’ê ya li Kadikoyê bi bîr xist û destnîşan kir ku bi rengekî hovane êrîşî parlamenterên wan û serokên partiên siyasî kirine.
Di berdewamê de HDP’ê destnîşan kir ku polîsên tirk dema ku êrîş anîne hevserokê DBP’ê, serokê ESP’ê Şahîn Tumuklu, seroka Partiya Şoreşger Elîf Torun Oneren, endamên Meclisa Giştî, nûçegihan û rêveberên navçeyê jî di nav de 65 kesan li kolanê derb kirine û binçav kirine û ev tişt anî ziman: “Wezareta hundirîn ku hevalên me kirine hedef û walîtiya Stenbolê sûc kirine. Ev hişmendiya gemarî ku fermanê dide darazê dixwaze bêhnê li civakê biçikîne û siyaseta demokratîk bifetisîne.
Ji xwedekarên Bogaziçiyê ku mafê protestoya demokratîk bigirin heta bi Hêzên Têkoşîna Yekbûyî ku em piştevanê wan in, li hemû qadan faşîzm bi ser me de tê. Li Kadikoyê careke din tirsa desthilatê derketiye holê. Çawa ku desthilata faşîst êrîşê tîne ser her çalakiyê, her cure zilm û zordariyê dike em ê jî mafê siyaseta demokratîk bi kar bînin û biryardar in ku li her qadê têkoşînê geş bikin.”
Di dawiya daxuyaniyê de hat xwestin ku kesên hatine binçavkirin demildest bên berdan û banga têkoşîna yekbûyî û piştevaniyê kir. ENQERE
