Li Wargeha Penaberan a Şehîd Rustem Cûdî (Mexmûr) şehîdên berxwedana Cizîrê hatin biranîn. Koma 26’an a greva birçîbûnê, bi wesîleya salvegera 5’an a berxwedana xwerêveberiyê ya Cizîrê daxuyaniyek da. Di daxuyaniyê de di şexsê hevserokên Meclisa Gel a Cizîrê Mehmet Tûnc û Asya Yuksel ên di berxwedana Cizîrê de şehîd bûn, hemû şehîdên şoreşa Kurdistanê hatin bibîranîn.
Di daxuyaniyê de hat ragihandin ku rejîma faşîst û qirker a AKP-MHP’ê li ber ketinê ye, lewma bi her awayî êrîşî gelê kurd dike, lê bi pêşengiya Tevgera Azadiyê Gelê Kurd tevî dostên xwe, li welat û derveyî welat di nava berxwedaneke mezin de ne.
Di daxuyaniyê de taybetî îşaret bi pêngava ‘Bes e ji dagirkerî û faşîzmê re, dem dema azadiyê ye’ hat kirin û berxwedana gerîla ya li Cenga Heftanînê, greva birçîbûnê ya girtiyên PKK û PAJK’ê hatin bibîrxistin û wiha hat gotin: “Zilm û tecrîda ku di şexsê Rêber Apo de li gelê kurd, gelên Tirkiyeyê û gelên bindest hemûyan tê kirin, nayê qebûlkirin. Di çarçoveya pêngava ‘dem dema azadiyê’ de ji bo şikandina tecrîdê û pêkanîna azadiya fîzîkî ya Rêber Apo em di çalakiyê de ne.”
Di dawiya daxuyaniyê de greva birçîbûnê ya li zindanan, her wiha ya li Yewnanistanê û berxwedana gelê kurd hat silavkirin. MEXMÛR
