Tevgera Jinên Ciwan û Ciwanên Şoreşger a bajarê Qamişloyê bi hatina komploya navneteweyî ya 15’ê sibatê, li Parka Avesta ya bajarê Qamişloyê pêşengehek li dar xist. Her wiha kesên ku Rêberê Gelê Kurd Abdullah Ocalan dîtine û şêniyên Qamişloyê tevlî pêşengehê bûn. Di pêşengehê de pirtûk û wêneyê Rêberê Gelê Kurd Abdullah Ocalan ku bi destan hatibûn xêzkirin hatin pêşkêşkirin.
Piştî deqeyek rêzgirtin a ji bo cangoriyên azadiyê, jinên bi navê Zînê Aslan û Rebîa Zilfo ku Rêberê Gelê Kurd Abdullah Ocalan dîtine axivîn û qala kêliyên ku bi wî re jiyane parve kirin: “Dema em diçûn gel Rêber Apo em bi kêlecaneke mezin me berê xwe dida gel wî. Her ku em diçûn gel Rêber Apo, ji me re qala jinên azad dê çawa bin, rol û mîsyona wan di nava civakê de çawa ye dinirxand. Her dem behsa êrîşên dijmin ên li ser jinan û jin dê çawa xwe biparêze dikir. Di wê demê de me soz da ku em li ser xeta azadiyê bimeşin û ji bo doza jin herdem di nava têkoşînê de bin.”
Piştî axaftinan sînevîzyonek li ser jiyana Gelê Kurd Abdullah Ocalan hat pêşkêşkirin. Hêjayê bi bîr xistinêye ku dê pêşengeh du rojî dom bike. QAMIŞLO
