Navenda Nûçeyan |
Sibe roja komploya navneteweyî ya 15’ê Sibatê, paneleke online bê lidarxistin. Di panela ku bi zindî bê weşandin de pêvajoya revandin û dîlgirtina Rêberê Gelê Kurd, şert û mercên tecrîdê û kampanyaya dawî ya ji bo azadiya wî, dê bêne nirxandin.
Panel dê bi zimanê Îngilîzî pêk were û sendîkavan û akademîsyenên alman, îngiliz û Îtalyayî yên kampanyaya ‘Azadî ji Ocalan re’ dane destpê kirin, tev li bibin.
Saziya Civaka Azad a li Almanyayê ji bo gelê kurd dixebite û Înîsiyatîfa ‘Azadî ji Abdullah Ocalan re, Aştî ji Kurdistanê re’ panelê lidar dixin. Panel dê roja duşemê li gorî dema Ewropayê saet di 20:00 de dest pê bike.
Berdevkê Înîsiyatîfa Aştiyê ya ‘Azadî ji Abdullah Ocalan re, Aştî ji Kurdistanê re’ Reîmar Heîder ê ku pirtûkên Rêberê Gelê Kurd wergerandiye almanî, ji Zanîngeha Ûdîne ya Îtalyayê hîndekar û endamê Komîteya ‘Azadî ji Ocalan re’ ya li Îtalyayê Dr. Federîco Ventûrînî û nûnerê Kampanyaya ‘Azadî ji Ocalan re’ ya sendîkayên îngiliz Clare Baker dê tev li panelê bibin.
Panel dê bi îngilîzî pêk were û bi jêrnivîsa bi almanî jinûve li ser înternetê bê weşandin. Ji vê navnîşanê panel dikare bê şopandin: https://www.youtube.com/watch?v=OrwYy8gys5c&feature=youtu.be&ab_channel=CivakaAzad
