Navenda Nûçeyan
Kurd Pen, Komeleya Nivîskarên Mezopotamyayê (MYD), Komeleya Wêjekarên Kurd (KED), Komeleya Med û Birca Belek bi hev re daxuyanî dan.
Heman sazî ji bo 21’ê Sibatê Roja Zimanê Zikmakî ya Cîhanê wê 19’ê sibatê li Amedê werin cem hev.
Di daxuyaniya hevpar de zimanzan Alî Kerîm Huseîn axivî û got kurdî li cografyaya Rojhilata Navîn yek ji zimanê herî dêrîn e.
Di daxuyaniyê de hat gotin ,”Heke perwerdeya bi zimanê zikmakî bibe wê kurdî bibe yek ji zimanê herî pêşketî. Mirov dikare di kurdî de li rabirduya zimanên cîhanê bigere.”
Di daxuyaniyê de bang li dê û bavan jî hat kirin ku berê zarokên xwe bidin qursên kurd û xebatên çandî.
Her wiha hat xwestin ku ne tenê li nav malê li hemû qad û xebatên nav jiyanê bi kurdî were axaftin, rojname û kovarên kurdî werin şopandin, li ser înternetê jî malperên kurdî were xwedin.
Di daxuyaniyê de hat gotin divê kurd bikaribin bi azadî zimanê xwe bi kar bînin û ji bo astengiyên li pêş kurdî werin rakirin têbikoşin.
