Navenda Nûçeyan
Hevserokê HDP’ê Mîthat Sancar, Berdevka Partiyê Ebrû Gunay, Alîkarê Hevserok Tuncer Bakirhan û parlamenter Semra Guzel di çarçoveya kampanyaya ji bo Her Kesî Edalet çûn serdana Partiya Çepgir (Sol Partî) .
Di serdanê de ji Lijneya Serokan a Partiya Çepgir Onder İşleyen, İlknu Başer û endamên Lijneya Rêveberiya Navendî Mehmet Soganci û Ozaz Surer hazir bûn.
Sancar piştî hevdîtinê daxuyanî û diyar kir ku rojeva wan a sereke ew ku çawa dikarin tifaqa herî berfireh a demokrasiyê ava bikin, tifaqa ew behsê dikin ne ya hilbijartinê lê tifaqa demokrasiyê ye. Sancar wiha got ”Tifaqa demokrasiyê jî li hemû qadên grîng, li her qada ku nedadî lê giran e avakirina rêbaz û mekanîzmayên têkoşînê ye.”
Sancar destnîşann kir ku li Tirkiyê û Kurdistanê bêedaletî pir zêde bûye, desthilata AKP-MHP’ê ji bo hebûna xwe bidomîne pişta xwe didin polîtîkayên şer û wiha pê de çû”Em, nexasim hêzên dilxwazên demokrasî û edaletê, girîng e ku li van qadan helwesta xwe bi zelalî diyar bikin. Li dijî polîtîkayên şer divê em bikaribin têkoşîna hevpar a aştiyê ava bikin.”
