Fermandaranê HPGyî ra Rizgar Êrsîyî derheqê kombîyayîşê Konseya Fermandarîye ya HPGyî de qisey kerd.
Qiseykerdişê Êrsîyî ra beşêk wina yo: ”Dişmenî nê prosesê neweyî de konseptê neweyî dayî xo ver û seba ganîkerdişê polîtîkaya tasfîyekerdişî xîret keno. Ma 40 serrî yo vera dewleta qirkere şer kenê û tecrubeyê ma zaf o. Xeylêk gerîlayanê ciwanan pê perwerdeyê têgêrayîşê ma xo amade kerd. Seba ke no pratîk netîce bigêro ganî ma serfîrazî bivisnê destî.
Wextê kombîyayîşê ma yê 2020î gerîlayan xoverdayîş û fedakarîyêke mojnayî û dişmen asteng kerd. Pêro gerîlayê azadîye ewro koyan de wayîrê bawerî û qerardarîyêka pîl ê. Dişmen se keno wa bikero do nêeşko pê nê hêrişan ser bikewo. Ma xo goreyê şertanê prosesê neweyî amade kerd, kamuflaj û teknîkê xo eşkera kerd.
Ma sey hêzê gerîlayan eke goreyê perspektîfanê Rayberîye nêzdî bibê ma eşkenê hemleyanê pîlan bidê verê xo. Bêguman serra 2021î seba ma pêroyînan do biba serrêka girînge. Hedefê ma yo verên şiknayîşê tecrîdî û azadîya Rayberîye ya. Ma pê bawer ê ke nê hedefê xo bîyarê ca.
Ma azadîya Rayber Apoyî sey armancê nê têkoşînî vînenê. Heta ke ma ey azad nêkerê do nêvinderê. Ma kombîyayîşê xo de rexneyê 2020î dayî. Ma do pê metod û çalakîyan 2021 de netîce bigêrê. 2021 de ma do dişmen Kurdîstanî ra vejê.
Dişmen her roje kurdan qir keno, hêrişê kurdan keno. Ganî şarê ma vera naye sere wedaro. Ganî şarê ma paştî bido gerîlayan û ma reyde dişmen Kurdîstanî ra vejo.” BEHDÎNAN
