Pêngava ‘Li dijî tecrîd, faşîzm û dagirkeriyê; dem dema azadiyê ye’ ku 12’ê Îlonê dest pê kir, li Ewropayê dewam dike. Çalakî bi wesîleya salvegera 22’emîn a komploya navneteweyî ya li dijî Rêberê Gelê Kurd Abdullah Ocalan, ji destpêka meha sibatê ve zêde bûne.
Eyaleta NRW bû yek ji eyaletên Almanyayê çalakî lê hatin lidarxistin. Piştî meşa 23’ê çileyê ya bi pêşengiya pêkhateyên YJK-E NRW’ê, di 12-13’ê sibatê de ji ber salvegera 22’emîn a komploya navneteweyî bi pêşengiya FED-MED, YJK-E NRW’ê meşeke dirêj û mîtîngeke girseyî hatin lidarxistin. Di 18, 19 û 20’ê sibatê de jî otobusa ‘Azadî ji Rêberê Gelê Kurd Abdullah Ocalan re’ li gelek bajaran geriya û nêrînên Ocalan ên li ser azadiya jinan, ekolojiyê, konfederalîzma demokratîk bi raya giştî ya alman re parve kir. Her wiha li gelek bajaran ji Sekreteriya Giştî ya Neteweyên Yekbûyî re ji bo azadiya Ocalan name hatin şandin.
Bernameya 6 rojan
Di hefteya dawî ya meha sibatê de jî bi amadekariya FED-MED’ê dê li paytexta eyaletê Dusseldorfê ji bo 6 rojan çalakiya rûniştinê bê lidarxistin. Çalakî dê 22’ê sibatê roja duşemê li ber parlamentoyê dest pê bike û 27’ê sibatê roja şemiyê jî bi mîtîngeke girseyî bi dawî bibe. Di çalakiyê de her roj wê siyasetmedarên kurd sîstema Îmraliyê, dewamiya komploya navneteweyî û fikrên Rêberê Gelê Kurd Abdullah Ocalan binirxînin, agahiyê bidin raya giştî. Çalakî dê her roj saet di navbera 12:00-17:00 de pêk were û hunermendên TEV-ÇAND’ê jî wê tev li bibin.
FED-MED’ê li ser çalakiyê daxuyaniyek da û wiha got: “Ji bo azadiya Rêberê me, em hewl didin bi hemû pêkhateyên federasyona xwe bi xurtî tev li pêngavê bibin. Bi rêya çalakiya rûniştinê ya ji 6 rojî em dixwazin pêngava ‘Dem dema wê ye’ xurtir bikin.”
Di daxuyaniyê de bang li kurdistaniyên li eyaleta NRW’ê hat kirin ku tev li çalakiyê bibin.
Bernameya rojane ya çalakiyê wiha ye:
- 22’ê sibatê roja duşemê
Qiseker: Engîn Sever, Nûrsel Aydogan
Hunermend: Seyîtxan, Cewad Merwanî
Cih: Pêşiya Parlamentoyê
- 23’ê sibatê roja sêşemê
Qiseker: Besîme Konca
Hunermend: Denîz Deman, Alî Îkîzer, Diyar Dersim, Hozan Şemdîn, Serhat Med
Cih: Corneliusplatz
- 24’ê sibatê roja çarşemê
Qiseker: Lezgîn Botan
Hunermend: Bengîn Agirî, Hozan Navdar, Selhat Gimgim
Cih: Friedrich-Ebert-Straße 34-38 (DGB Haus)
- 25’ê sibatê roja pêncşemê
Qiseker: Tûgba Hezer
Hozan: Xelîl Xemgîn, Memo Yapiştiran, Narînxan
Cih: Stromstraße 24 (Pêşiya qenala WDR)
- 26’ê sibatê roja înê
Qiseker: Yildiz Fîlîmcî
Hunermend: Memo Gul, Hozan Kawa, Zahîr Loran
Cih: Wasserstraße 5 ( CDU)
- 27’ê sibatê roja şemiyê
Cih: Pêşiya parlamentoyê, saet di 12:00-15:00 çalakiya rûniştinê
Saet di navbera 15:00-17:00 mîtînga girseyî
DUSSELDORF
