Odaya Muhendîsan a Jeolojî ya TMMOBî raporê xo yê ”Bajara ma yê ke serê fayî de ciwîyene” pare kerd. Rapor de ame vatene ke Çewlîg de 36 cayî xetê fayî yê gandar ê.
Rapor de bale ameye ser antene ke Çewlîg cayo ke Zonê Fayî yê Anatoliaya Vakure û Zonê Fayî yê Anatoliaya Rojhilate resenê pê de yo û ame vatene ke coka erdlerzê nê wird zonan zî Çewlîg ser o tesîr keno.
Rapor de ame parekerdene ke Çewlîg de Dewa Madragî ya ke erdlerzê 2003 de 84 wendekaran cuya xo vînî kerde zî tede 36 dewî serê xetanê fayî yê gandaran de yê.
Rapor de ame vîrvîstene ke herêma Kanîreş-Çêrme de serra 2003 de erdlerzêk qewimîyabi û na herême hema zî fayêka aktîf a û ame hîşyakerdene ke bi taybetî Çêrme, Kanîreş û merkezê Çewlîgî de xetanê fayî de bînayê neweyî virazîyenê ke no mergî rê vengdayîş o.
Goreyê muhendîsan 2020 de erdlerzê Çewlîgî zî tede 168 hemwelatîyî erdlerzan de merdî û tewr tay 3000 hezar merdimî birîndar bîyî. ÇEWLÎG
