Navenda Nûçeyan |
Di 23’ê çileya 2021’an de leşkerên Îranê li bajarê Serawan ê ser bi parêzgeha Balûcistanê êrîşî kolberên belûcî kirin û li gorî daneyan 10 kolber hatibûn kuştin û hinek jî birîndar bibûn.
Piştî bûyerê xelkê belûc li parêzgeha Belûcistan a Îranê li dijî zilm û zextên rejima Îranê serî hildan. Nerazîbûnên ku 23’ê çileyê destpêkirî hîn jî dewam dike. Tevî êrîş, kuştin û zextên hêzên rejîma Îranê, xelkê belûc bi rojane li ser pêyane û serhildana hemberî rejîmê dewam dike.
Li gorî agahiyên hatine standin, duh bi şev xwepêşanderan li belûcî rêya Tiranzêetî ya dikeve rexa Derya Uman a li başûrê rojhilatê Îranê, rê li trafîkê girtin. Tê gotin di nava bajarê Zahdanî ya navenda Belûcistanê di navbera xelkê belûc û hêzên rejîmê de şer derketiye.
Gorî agahiyên di navbera xelkê belûc û hêzên rejîmê de, li rêya Beset û Tebatbayî ya navenda bajarê Zahdan de jî şer derketiye. Xwepêşander hemberî hêzên rejîmê li ber xwe didin û alozî dewam dike.
Li gorî dîmenên belavbûyîn, hêzên rejîma Îranê êrîşê jin, zarok û xelkê tev li xwepêşandanê dibin, dike. Li gorî agahiyan di encama êrîşa hêzên rejîmê de gelek kes hatine girtin. Her wiha rejîm hêzek mezin bi tank û topan ve şandiyê herêmê.
Li gorî agahiyan xelkê belûc hemberî hêzên rejîmê, çeperên xweparastinê avakirine û xwe diparêzin. Li gorî agahiyên hatine bidestxistin û nehatine piştrast kirin, heya niha 15 kes di xwepêşandanan de hatine kuştin û bi dehan kes jî birîndar bûne. Tê gotin hêzên rejîm duh roja înê, çûyîna mizgefan jî asteng kiriye. Rejîm ji serokeşîran dixwaze welatiyan qaneh bikin û vegerin malên xwe.
Ji ber ku rejîma Îranê xetên înternet û telefonê qut kirine, zanyarî dereng tên bidestxistin. Li ser hejmara kuştî û birîndaran heya niha daxuyaniyek fermî nehatiye parvekirin.
