Li navçeya Şemrexê ya Mêrdînê, darên ku beriya 20 salan li refûja rêya Amed û Mêrdînê hatibûn danîn, bi fermana qeyûmê hatin birîn. Xebatkaran gelek darên tû û çaman birîn. Hat hînbûn ku ku qeyûm di bin navê nûkirina rê û bandora neyînî ya li trafîqê de biryara birîna daran daye.
Esnaf û welatiyên li herêmê bertek nîşanî xebatkarên şaredariyê dan û xwestin birîna daran asteng bikin. Ji ber vê di demeke dirêj di navber xebatkarên şaredariyê û welatiyan de nîqaş derket. Li ser vê polîs hatin cihê bûyerê û nîqaşeke qasekî din jî dirêj bû. Li ser bertekên welatiyan birîna daran hat rawestandin. Welatiyekê van kêliyan bi telefona xwe qeyd kir. Welatiyê ku qeydê girt, da zanîn ku darên hatine birîn 20 salî ne û heyfin ku tên birîn. MÊRDÎN
