27ê sibate de Amed de operasyonê vera Komeleya Kultur, Yewîye, Paştdayîş û Hetkarîye ya bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER) de 14 kesî ameybî destbendkerdene û wextê nezaretî yê înan amebi dergkerdene.
Vizêr saetanê şanî de babîyê Wekîla HDPyî Dersim Dage û endamê MEBYA-DERî Zekî Dag, Hemsereka Partîya Demokratîke ya Şaran (HDP) ya Peyasî Hanim Atindag û keso/a ke nameyê ci nêame musayene ameyî tepiştene. Mewlude Gunduz zî bi şerte kontrolê edlîyî ameye veradayene.
Verî zî çarçewe eynî operasyonî de Endamê MEBYA-DERî Meryem Soylu (79) û Hatun Aslan (71) Îdarekara Partîya Herêmê Demokratîkî (DBP) ya Amedî Hatîce Guneş û Îdarekaro verên ê MEYA-DERî Muzaffer Ulaş ameybî tepiştene. Heta nika 7 kesî ameyî tepiştene û 3 kesî bi şertê kontrolê edlîyî ameyî veradayene. AMED
