Wekîlanê Partîya Demokratîke ya Şaran (HDP) Alîcan Onlu û Kemal Bulbulî pîya bi Rêxistina HDPyî ya Dêrsimî çarçewa Kampanyaya ‘Semedê Her Kesî Edalet’ de dewa Ekîrekî ya Çemişgezekî ke tede warê madenî ame îlankerdene zîyaret kerde.
Dewijan ra Cemal Yalçin Kayayî veng da selahîyetdaran ke wa vera talankerdişê xoza û dewa înan vejîyê û vat: ”Destê xo meerzê xozaya ma, dest xo meerzê dewa ma, vinderê ma xo rê halê xo de bicîwîye. Awa ma mebirnê şarê ma feqîrîye rê mehkum mekerê. Veradê ma wayîrê dewe û daristanê xo vejîyê.”
Alîcan Onlu zî vist vîrî ke problemê bajarî têna maden nîyo û vat: ”Nêzdîbîyayîşê nê zîhnîyetî yê vera vera kultur, ziwan, bawerî û çimeyanê bînê erdî yê şarî de problem esto.”
Kemal Bulbulî zî ard ziwan ke maden eslê xo de rîndîya dewe ya û vat: ”Pê serûbinkerişê cuya şarî, talankerdişê xoza û mudaxalekerdişê cuya ganîyan tayînan zengîn kenê. Koyê Kazî, Dêrsim ra heta Cûdî hemrayîya koyan, embazîya vareyan û cuya dewe qedîyeno. Rayîrê dewam virazê, haywankarîye aver berê problemanê dewijan rê eleqedar bê. Mudaxaleyê xoza, cuya û merdimî mekerê. Madeno tewr pîl tekîlîya merdimî û xoza ya.” DÊRSIM
