Wekîlê HDPyî yê Çewlîgî Erdal Aydemîrî Meclîs de qisey kerd. Aydemîrî serebûtê xokiştişî yê ciwananê Çewlîgî vistî vîrî û seba ke nê xokiştişî cibigêrîyê vernîyazêk da Wezîrê Karanê Zereyî Suleyman Soyluyî.
Aydemîrî vat: ”Çewlîg de neslê Zyî beno qurbanê serebûtanê xokiştişî. Ma verî zî seba ke nê serebûtan bêrê cigêrayene têgêrayî. La vengdayîşê ma û xîretê ma bêcewab mendî. Na peygoşîye şaristan de neçarîye virazena.Hema hema her hewte Çewlîg de ciwanî xîret kenê ke xo bikişê. Walîtîye seba ke verê nê xîretan bigêra wa cade têbigêra.”
Aydemîrî vernîyazê xo de nê persî persayî:
-Derheqê doneyê xokiştişî yê emserînî de destê Wezaretî de agahîye esta yan nê?
-Seba ke nê serebûtê xokiştişî yê cinî û lajanê ciwanan bêrê cigêrayene şima do xebatêke bikerê? ANQARA
