Navenda Nûçeyan |
Ji 9’ê Cotmeha 2020’î dema ragihandina lihevkirina rêveberiyên Hewlêr û Bexdayê ya li ser Şengalê û vir ve, gefa destwerdanê li Şengalê tê xwarin û xelkê Şengalê jî ji hingî ve li ser pêyan e, xwedî li nirxên xwe derdikeve.
Li gorî nûçeya Rojnewsê, rêveberiya Bexdayê li gel vê yekê jî daxwazên xelkê Şengalê ji nedîtî ve tê û zextên xwe zêde kiriye.
Hate ragihandin ku hêzên Iraqê li xelkê Şengalê ferz dikin ku Asayîşa Êzidxanê ji navenda bajarê Şengalê bê derxistin. Ji ber zêdebûna gef û zextê, Desteya Rêveber a Meclisa Xweseriya Demokratîk a Şengalê (MXDŞ) jî bi rengekî awarte li hev civiya.
Civîn vê gavê li çapemeniyê girtî pêk tê û tê payîn ku piştî civînê daxuyaniyek bê dayin.
Civîn li binê konê xwedîderketina li Asayîşa Êzidxanê pêk tê ku ev konê berxwedanê beriya 99 rojî hatibû vedan û bi biryardariya xwedîderketina li asayîşê dewam dike.
