Li Hola Emenesoreke ya Silêmaniyê bi merasîmekê qurbaniyên kîmyabarana Helebçeyê bi pêşengiya Dezgeha Hizrî ya Şaristanî hatin bibîranin û pêşangeke ya wêneyên dema komkujiya Helebçeyê hatin kişandin hate vekirin. Merasîmê bi deqeyek rêzgirtina ji bo şehîdan destpê kir. Gelek nûnerên saziyên sivîl, hikûmet, nûnerê konsolosxaneya Îranê ya li Silêmaniyê tev li bûn.
Piştî rêzgirtinê Waliyê Silêmaniyê Dr. Heval Ebûbekir, Sekreterê Hizba Sosyalîsta Demokrata Kurdistanê Mihemed Hacî Mehmûd û Nûnerê Konsolosxaneya Îranê têkildarî kîmyabarana Helebçeyê axivîn.
Di axaftinan de rejîma Baas û ew dewletên ku çekên kîmyawî firotîn Iraqê hatin şermezarkirin.
Di pêşangehê de 40 wêneyên kîmyabarana Helebçeyê hatin pêşandan ku piraniya wan wênekêşên îranî kişandîbûn. SILÊMANÎ
