Tepişteyo bi nameyê Abdurrahîm Akalpî ke Zîndanê Tîpa Fyî yê Bolu de tepişte yo, Hetkarê Hemserekê Pêroyî yê Partîya Demokratîke ya Şaran (HDP) Alîcan Onluyo ke Rêxistinkerdişîra Berpirsîyar o û Parlementerê Dêrsimî yo rê mektube şirawit. Akalpî mektuba xo de dîyar kerd ke selahîyetdarê zîndanî Rojnameyê Xwebînî ke bi ziwanê kurdî hewtane yeno weşanayene, bi mehneya ‘ziwano xerîb’ nêdayî tepişteyan û rojname ameyo qedexekerdene.
Akalp mektuba ke şirawit de Onlu rê wina vano: “Ziwanê ma 40 mîlyon kurdan sey ‘ziwano xerîb’ vînenê. Na nîna qebulkerdene. Ma selahîyetdaranê Zîndanê Tîpa Fyî yê Bolu gere kerd. Ma Mudirîya Ceza û Resnayîşî ya Wezîrîya Edaletî rê nuşteyêk nuşt labelê mudirî destur nêda ke Rojnameyê Xwebûnî teslîmê tepişteyan bêro kerdene. Coka ra ma rojname kerdo depo.” ANQARA
