Li paytexeya Îngilistanê Londonê, jina 33 salî Sarah Everard di 3’yê adarê de winda bû û piştî bi rojan cenazeyê wê hatibû dîtin. Polîsê bi navê Wayne Couzens bi gumana qetilkirina Everard hat binçavkirin û derxistin dadgehê.
Piştî agahiya qetilkirina Everard hat bihîstin, bi hezaran jin şeva şemiyê daketin kolanan. Lê polîsan êrîşî jinan kirin. Polîsên îngilîz, bi hinceta şewba vîrûsa koronayê (Kovîd-19) destûr nedan ku ji du kesî zêdetir mirov li hev kom bibin. Polîsan bi vê hincetê xwestin çalakiya jinan asteng bikin. Lê jinan guh nedan astengî û qedexeyên polîsan û bi pankarta “Em ji sedî 97’in” çalakiya xwe dewam kirin.
Polîsan di çalakiyê de hin jin binçav kirin. LONDON
