Qezaya Pirsûsî ya Riha de wextê weçînayîşanê 2018î de 24ê hezîrane de pawitoxanê Wekîlê AKPyî Îbrahîm Halîl Yildizî û merdimanê ci hêrişê keyeyê Şenyaşarî kerd.
Emîne Şenyaşara ke 2 lajê ci û mêrdeyê ci hetê pawitox û merdimanê Wekîlê AKPyî Halîl Îbrahîm Yildizî ra kişîyayî, 6 rojî yo verê edlîyeyê Riha de pê waştişê edaletî çalakîya roniştişî kena. Dayîke Emîne lajê xo Ferît Şenyaşar reyde, destê ci de fotografanê mêrde û lajanê ci çalakîya xo rê ewro zî dewam kena.
Serê sibayî polîsan kerd ke keye asteng bikerê. Polîsan vat: ”No ca cayê umûmîye yo. Şima nêeşkenê tîya de ronişê.” La keyeyî reyna zî çalakîya xo ya roniştişî kerde.
Emîne Şenyaşar destê xo akerdî û vat: ”Homayê mi gelo ti nê kerdişan nê vînenî? Ti nê zulmî nêvînenî?” RIHA
