Li çiyayên Kurdistanê li gelek deveran Newroz hate pîrozkirin. Yek ji fermandarê Akademiyên Apollon a HPG’ê Dersim jî tev li pîrozbahiya Newrozê bû.
Dersim di merasîma Newrozê de axivî û wiha got: “Li dijî şahînşahî û rêveberiya wê Dehaq ku zilm li ser gelên Rojhilata Navîn dikir, bi pêşengiya gelê Medan berxwedanekê dest pê kir. Konfederasyona gelên Medyayê bûne yek û şahînşahiya dagirkerî û zilmê hilweşand. Ji wê rojê û heta niha Newroz ji bo gelên Rojhilata Navîn weke cejnekê tê pîrozkirin.”
Dersim diyar kir k udi rojeke wiha de Rêber Apo beriya bi 48 salan tespit kir ku gelê kurd û Kurdistanê mêtinger e û da zanîn ku li ser vê bingehê di roja Newrozê de meşa azadiyê daye destpêkirin û wiha domand: “Dewleta TC’ê ya mêtinger û dagirker ji bo ku pêşî li vê meşa PKK’ê bigire, li Zindana Amedê îşkenceyên bi hovîtî kir. Mêtingeran li Zindana Amedê dixwest ku vîna şoreşgerên Apoyî bişkîne, teslîm bigire li dijî vê Kawayê Hevdem hevrê Mazlûm Dogan di rojeke Newrozê de xwe feda kir û rê li berxwedane vekir, ruhê berxwedanê yê Newrozê afirand. Ji wê rojê û heta niha em li ber xwe didin. Ji Mazlum Dogan heta bi Zekiya Alkan, Rahşan, Ronahî û Berîvanan hemû şehîdên ku di ber doza azadiyê de xwe feda kirine bi hurmet û minet bi bîr tînin.
Hevrêyên me ku şopdarên hevrê Mazlûm Dogan in îro jî li zindanan li ber xwe didin. Em hemû berxwedêrên zindana silav dikin, cejna wan a Newrozê pîroz dikin. Gelê kurd ku gelê ereb, ermen, asûr û sûryan bûyî yek li ser xeta Rêber Apo têdikoşe. Em Newroza hemû gelan pîroz dikin.”
‘Em ê nişan bidin ku tevgera Apoyî tu caran têk naçe’
Her wihaDersim diyar kir pergala zilmê ‘tu caran ne heta hetayê ye’ dê nîşanî her kesî bidin ku tevgera fedayî ya Apoyî dê têk nece û axaftina xwe wiha bi dawî kir: “Pergala zilmê tu caran ne heta hetayê ye. Belkî êş bi gelan dabe kişandin, car caran hinek bi ser ketibe û xwe domandibe lê her dem gelan li dijî vê li ber xwe dane û ew têk çûne. Mînaka vê ya berbiçav Newroz e. Pergala zilmê û zalim her demê têk çûne. Îro jî faşîzma AKP-MHP’ê û pêşengê wan Erdogan, Bahçelî Deheqên niha ne. Dixwazin têkoşîna me ya azadiyê ya 48 salan tasfiye bikin, li ser Rojhilata Navîn zilmê domdar bikin. Lê em bi tifaqa gelan dîsa di rojeke Newrozê de, weke beriya bi 2633 salan îro jî em ê wan têk bibin. Em ê dewleta tirk û Erdogan weke Deheq têk bibin, em ê nîşanî her kesî bidin ku tevgera fedayî ya Apoyî tu caran dê têk neçe.
Pêngava, ‘Em ê pergala faşîzm, tecrîd û dagirkeriyê hilweşînin, Rêber Apo azad bikin’ gelê me bi hemû derfetên xwe rê ve dibe. Em hêzên gerîla, pêşengên vê pêngavê sala 2021’an em ê nîşan bidin ku gerîla her dem bi ser dikeve û hêzeke wiha ye ku qet têk naçe. Mînaka vê ya herî berbiçav serfiraziya Garê ye. Fermandarên me yên weke Şoreş Beytuşşebap ên fedayî her dem hene û dê hebin. Weke hevrê Mazlûm Dogan li gel hemû bêderfetiyan jî em ê xwe bikin weke çek û li xeta Rêber Apo xwedî derkevin. Bi vê çarçoweyê em ê bibin şopdarên xeta Mazlûm Dogan, li peywirên demê xwedî derkevin û pêşengiya gelê xwe bikin. Bi vê çarçoweyê serkeftina mezin ji hemû hevalan re dixwazim.” BEHDÎNAN
