Navenda Nûçeyan |
Fermandarê Giştî yê Hêzên Sûriyeya Demokratîk (HSD) Mazlûm Ebdî li ser hesabê xwe yê Twitterê peyamek bi zimanê îngilîzî parve kir û wiha got: “Hêzên me ji bo girtina sûcdarên DAIŞ’ê û parastina sivîlan, li Kampa Holê Operasyona Mirovî û Ewlehiyê da destpêkirin. Em careke din bang li welatên biyanî dikin ku welatiyên xwe vegerînin û ji bo başkirina rewşa li kampê û îstîkrarê, destekdayîna mirovî ji bo Kampa Holê zêdetir bikin.”
Hêjayî gotinê ye ku duh Hêzên Ewlekariya Hundirîn tevî HSD, YPG û YPJ’ê li dijî şaneyên DAIŞ`ê yên li Kampa Holê (45 km li rojhilatê Hesekê) bi navê ‘Operasyona Mirovî û Ewlehiyê’ operasyoneke berfireh dabû destpêkirin.
