Navenda Nûçeyan |
Grûba Asoya Nû têkildarî gef û planên li ser Şengalê daxuyaniyek nivîskî da.
Di daxuyaniya Grûba Asoya Nû wiha tê gotin: “Tevî hemû taybetmendî û hestyariyên Şengalê yên di warê ol, stratejîk, leşkerî û siyasî de Şengal beşeke ku ji mijareke ji mijarên siyasî ya gelê kurd. Li hemû parçeyan rû birûyî plan û komkujiyî û înkarkirinê tên.
Şengal piştî ferman, jenosîk û komkujiya bi destê DAIŞ’ê û dijminên gelê kurd bi ser de hat, niha bihêztir xwedî li xwe derdikeve. Xwerêveberî û hêza xwe ya parastinê avakiriye. Lewma li başûrê Kurdistanê li dijî plangerî tên kirin. Tevî her tiştî li dijî vê îrade, xweserî û xwedîderketina şengaliyan a li xwe, li dijî xwestek û xwebirêxistinkirina wan bi xwe ye.
Em weke Grûba Asoya Nû bang û daxwazên xwe pêşkêşî hemû hêzen siyasî yên kurd û civaka sivîl a li Kurdistanê dikin ku piştgiriya ezmûn û îradeya Şengalê bikin. Tişta ku li Şengalê rû dide planekî li dijî gelê kurd, xweserî û îradeya xwerêveberiya li başûrê Kurdistanê ye.
Ji aliyê gelê kurd ve xwedîderketina li Şengalê divê awayek xurt pêk were û planên dagirkerên Kurdistanê pûç bikin.”
Grûba Asoya Nû xwe weke berdewama Grûba Wijdan pênase dike. Grûbek ser bi xwe ye.
