Navenda Nûçeyan |
Rojnameya Îngilistanê Guardian, di hejmara xwe ya îro de diyar kir ku di êrîşên dewleta Tirkiyeyê de ku li hemberî herêmên başûrê Kurdistanê tên kirin, hejmara sivîlên hatine kuştin zêdetir bûye. Nûçe bal dikişîne ser êrîşa dewleta tirk ku di meha kanûna 2020’î de pêk anî. Dewleta tirk bi Balafirên Şer ên Bêmirov (SÎHA) êrîşî herêma Newala Zerî kiribû û di van êrîşan de, sê sivîl hatibûn qetilkirin ku pêşmergeyên dêrîn bûn.
Di êrîşan de ku li herêmên Amêdiyê, Dêralûkê, Şêladizê pêk tên, gelek caran sivîl dibin hedef û tên qetilkirin. Her wiha li gorî nûçeyê Wezareta Parastinê ya Tirkiyeyê, der barê kuştina gelê sivîl de tu agahiyan bi raya giştî re parve nake.
Li gorî daneyên komiteya çavdêriyê Airwarsê jî, ji bidawîanîna agirbesta sala 2015’an heta niha, ji gelê herêmê gelek sivîl hatine kuştin. Gelê li herêmê ji ber êrîşên daîmî yên Tirkiyeyê bi fikar e û pirî caran ji neçarî warên xwe terk dikin. Çavkanî: Rojnameya Xwebûnê
