Qezaya Kayapinarî ya Amedî de serê sibayî polîsan eşt Komeleya Cinîyan ya Rosa tay adresan ser. Polîsan komele de cigêrayîş kerd. Maya Aştîye Nezahat Teke zî tede xeylêk kesî ameyî destbendkerdene.
Heta nika nê kesî zî tede xeylêk kesî ameyî destbendkerdene: Zelal Bîlgîn, Hemşaredara Çinarî Necla Tamrîş, Endama Heyetê Rayberdişî yê Partîya Herêmê Demokratîkî (DBP) Zeynep Uren, Hemsereka DBPyî ya Amedî Sevale Gulmez, Şêwirmenda Wekîla Partîya Demokratîke ya Şaran (HDP) yê Amedî Remzîye Tosun, Gurbet Ozel muxabîra Jinnewsî Bêrîtan Ozel, Maya Aştîye Nezahat Teke, Endama Akademîya Cinîyan ya Amedî Fîgen Aras, Besîle Narîn, Endama Şaredarîya Amedî Bahar Karakaş Ulug, Ruken Bekalp û Şehrîban Zogurlî, aktîvîsta Tevgerê Cinîyanê Azadan (TJA) Sevîm Bîçîci, Nurşen Akbal, Leyla Akgul, Satîye Ok. Nînan ra Satîye Ok cara hepsê keyeyî de bîye.
Dîya zanayene ke derheqê 33 cinîyan de hetê Serdozgerîya Komare ya Amedî ra bira tepiştişî dîyaye.
Komele hesabê xo yê twitterî ser o no mesaj pare kerd: ”Polîsan eşt komeleya ma ser, berî şikitî, alarm pakerd û bi hawayêkê îlegalî komeleya ma de cigêrayîşî kerdî. Ma nê tacîzê muhakeme qebul nêkenê ke bi hawayêkê sîstematîkî vera ma yeno kerdene. Ma do têkoşînê xo ra qetî fek vera nêdê. Ma tîya de yê û do tîya de bibê.” AMED
